النتائج 1 إلى 3 من 3

الموضوع: قصيدة جحا

  1. #1
    عضو جديد
    تاريخ التسجيل
    Jan 2011
    المشاركات
    20

    قصيدة جحا

    [size="6"]من فضلك حى معى الشاعر هشام الجخ واقرأودقق وحلل مافوق السطور[/size
    [center]كلمات قصيده جحا[/center]


    " شعور سخيف
    إنك تحس بإن وطنك شيء ضعيف
    صوتك ضعيف
    رأيك ضعيف
    إنك تبيع قلبك وجسمك
    وإنك تبيع قلمك وإسمك
    ما يجيبوش حق الرغيف
    سألوا جحا عن سر ضحكه
    قالك أصل اتنين وشبكو اللى كان من تحت ميت واللى كان من فوق كفيف
    دا شعور سخيف
    وشعور سخيف
    إنك تكون رمز الشحاتة
    تبنى مبنى للشحاتة
    تعمل وزراة للشحاتة
    يا ساقية دورى
    عدى فوقى ودوسى
    نصبوا عليا وشحتونى فلوسى
    ربطونى فيكى .. حتى ما اتغميت
    هما اللى فرحوا ووحدى أنا اتغميت
    أنا اللى صاحب البيت عايش بدون لازمة ولما مرة شكيت إدونى بالجزمة
    مش لاقى تطفح اديك
    هاتولنا وجبولنا وادونا ودولنا
    هنجيب منين نديك
    طافح يابلدى غدايا
    ولوعتى غدايا
    وادىالاحبه التقى عدايا

    أنا اللى زارعك دهب بتأكلينى سباخ
    إن كان دة تقل ودلع بزيادة دلعك باخ
    لا شفت فيكى هنا ولا شفت فيكى ترف
    كل اللى فيكى قرف
    كرامتنا متهانة
    واللقمة بإهانة
    بتخلفينا ليه لما انتى كارهانا
    يعنى ايه تبقى إنتى هبة النيل يا مزة
    وكل يوم المية تقطع
    يعنى ايه لما اشتكى غلو الفاتورة
    يقولو تشكى بس تدفع
    لما قش الرز ثروة بتتحرق
    وأما نفط الأمة ثروة بتتسرق
    وأما جلادك على ولادك بيبطش
    [u]وأما علمك ما يلاقيش يآكل فيطفش[/u]
    يعنى ايه نرفع ايدينا بالسلام لجل الغزاة
    ويعنى ايه لما ابقى ماشى فى حالى اتشد اشتباه
    يعنى ايه لما اتحبس أربع سنين حبس احتياطى حبس اعتباطى
    يعنى ايه مش حاسة بالعمر وغلاوته
    بتصبى مر العمر ليه
    دة انا كنت ح اوهب لك حلاوته
    أنا عمرى ما أتأمرت
    ولا حطيت شروطى
    ومكان ما ترسى مركبك بابنى شطوطى
    ا نا كنت جيشك لما مماليلك باعوكى
    وكنت يوسف لما عشتى سنين عجاف
    وضلوعى دى اللى فى معركة قادش حموكى
    وشفايفى دى اللى ما بطلتش فى يوم هتاف
    دة انا كل شبر فى أرضك اتمرمغت فيه
    وكل يوم عشتيه أنا اتغذبت بيه
    بتكرهينى عيونك السودة وأيامى اللى فاتت
    مانتيش حبيبيتى من النهاردة
    حبيبتى ماتت
    علا صوت أدانك جرس فى الشدة صاحينلك
    من امتى كانوا الحرس هما اللى باقينلك
    بعتينى علشانهم وعنيكى معصوبة
    ياهلترى خاينة ولا زيى مغصوبة
    كل الكلام اتقال والشعر بقى ماسخ
    والصبر علو جبال والظلم شىء راسخ
    وطن وغرقان فى النطاعة
    كل شىء ريحته نطاعة
    علمونا بالعصاية ورضعونا الخوف رضاعة
    علمونا فى المدارس يعنى ايه كلمة قيام
    علمونا نخاف من الناظر فيتمنع الكلام
    علمونا ازاى نخاف وازاى نكش بس نسيوا يعلمونا الاحترام
    فمتزعلوش لما ابقى مش باسمع كلامكم
    وماتزعلوش لما ابقى خارج عن النظام
    مستنى ايه من طفل ربوه بالزعاق؟
    غير المشاكل والخناق

    كل اللى بيقولك بحبك دول نفاق
    أنا لما قلت لك بحبك كان نفاق
    الحب يعنى اتين بيدوا
    مش ايد بتبنى وستميت تيت تيت يهدو
    الحب حالة الحب مش شعر وقوالة
    الحب يعنى براح فى قلب العاشقين للمعشوقين
    يعنى الغلابة يناموا فى الليل دفيانين
    الحب يعنى جواب لكل المسجونين هما ليه بقوا مسجونين
    يعنى أعيش علشان هدف علشان رسالة
    يعنى احس بقيمتى فيكى
    إنى مش عايش عوالة
    يعنى لما اعرق تكافئيى بعدالة
    الحب حالة الحب مش شعر وقوالة
    الحب حاجة ما تتوجدش فى وسط ناس بتجيب غداها من صناديق الزبالة
    بارت مراعينا
    والبئر قد جفَ
    والجوع يكوينا
    والصبر ما كّفى
    والقلب لا يهدا
    والجرح لا يشفى
    ولأننا طوع زنا لهم خفا
    جاءوا بموكبهم
    واشتغلت الزفة
    الدفة مظبوطة وأصلا مافيش دفة
    والكفة مش مايلة علشان مافيش كفة
    و جحا اللى جاى بالليل
    لساه بيتخفى
    شايف ديدان الغيط
    سارحة ومارحماشى
    من جبنه شاف الدود سابه وراح ماشى
    ولا اتكسف للناس ولا حس على طوله
    الناس عشمها كبير جريوا بيشكوله
    ضحك جحا ضحكة مواشى
    مادام بعيد عن طينى ... ماشى
    الدود قاعد لك يا جحا ولابد فى طينك
    بعد ما يمص فى دمانا مش حيحلاله الا طينك
    احنا اهلك احنا رجالتك أمانك
    إحنا وقت الشدة سندك إحنا زادك
    يا جحا احمى ولادك
    لو كنت عايز تحمى طينك
    سوف أرحل ربما يلقانى من ارجو لقاه
    هامشى ويا الشحاتين وابكى على حلمى اللى تاه
    بس مش هاشحت رغيف
    هاشحت وطن لله "

    ]
    التعديل الأخير تم بواسطة نوال احمد حامد ; 08-02-2011 الساعة 05:30 PM

  2. #2
    استاذه نوال يسعدنى أرد على موضوعك وقصيدة الشاعر المصرى ابن البلد هشام الجخ

    هشام الجخ شاعر مصرى وصوت أدبى واعد

    له أكثر من 33 قصيدة

    وحقيقى أنا معجب بيه وبشعره جدا

    دا رابط للقصيدة بصوت هشام

    http://www.mediafire.com/?g47n5lnhf7ljn8u

    ودا رابط الفيديو للقصيدة

    http://www.mediafire.com/?gsf874vtn0bqoyp
    طلال سلومه عريبى

    يشرفنى تواجدكم معنا فى منتدى المدرسة

    http://www.donytna.7uw.net/vb/index.php

  3. #3
    عضو جديد
    تاريخ التسجيل
    Jan 2011
    المشاركات
    20
    استاذ / طلال اشكرك على مرورك الطيب
    كما اشكر لك هديتك ( الروابط ) التى ارسلتها ولك كل الشكر والتقدير
    ويارب احفظ مصر

المواضيع المتشابهه

  1. قصيدة منقولة ( أنا الحمار)
    بواسطة اشرف الجمل في المنتدى المراجعون الخارجيون (التعليم قبل الجامعي)
    مشاركات: 7
    آخر مشاركة: 25-02-2012, 06:39 PM
  2. قصيدة
    بواسطة محمود علي فرج في المنتدى الصالون الثقافي
    مشاركات: 14
    آخر مشاركة: 27-01-2012, 11:04 PM
  3. قصيدة عن لعب الابناء
    بواسطة اشرف الجمل في المنتدى الصالون الثقافي
    مشاركات: 1
    آخر مشاركة: 10-04-2011, 06:32 AM
  4. قصيدة جمعت كل سور القرآن بعضها بالاسم وبعضها ببداية السورة..
    بواسطة طلعت محمد أحمد في المنتدى الصالون الثقافي
    مشاركات: 4
    آخر مشاركة: 05-01-2011, 09:51 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
مُنتديَات الجَودة العَرَبيّة
أكاديمية الجودة تعود إليكم في شكل جديد وإسم جديد
منتديات الجودة العربية - www.arquality.com - ملتقى خبراء الجودة في الوطن العربي
إنضم إلينا