النتائج 1 إلى 1 من 1

الموضوع: هدية مجانية بقيمة 5000 دولار لرواد موقعنا الكرام

  1. #1
    إدارة المنتديات
    تاريخ التسجيل
    Nov 2010
    الدولة
    القاهرة، مصر
    المشاركات
    719

    Post هدية مجانية بقيمة 5000 دولار لرواد موقعنا الكرام

    تعرف ان انت كطالب أو دكتور أو معيد في كلية حكومية أو خاصة .. في جيبك حوالي 5000$ وانت مضيعهم في الهوا وعمرك ما فكرت تسأل عنهم ولا تاخدهم ؟

    الاســـم:	cc-free-download-marquee-709x244.jpg
المشاهدات: 800
الحجـــم:	29.2 كيلوبايت

    تعرف ان الكلمة دي "طالب" نعمة كبيرة جدا هيحسدك عليها اللي اتخرج بعد ما يقرأ الموضوع ده؟ ومش بعيد كمان ينتحر


    بما ان النظام التعليمي هنا في مصر ممتاز و كلنا بنفهم كل حاجة والحياة جميلة وعارفين كل حقوقنا اللي المفروض ناخدها
    ففي نعمة كبيرة جدا كلنا الحمد لله عارفينها اسمها الايميل الجامعي .. و دا بالظبط زي الكارنيه الجامعي بتاعك ولكن على الأنترنت


    طب و دا ايه فايدته ؟!


    في شركات كتير جدا بتقدم خدمات لكل طلبة العالم .. لو عندك الأيميل الجامعي دا ..


    تعمل الأيميل الجامعي دا ازاي ؟
    في كل كلية وحدة (IT (information technology

    إسأل عنهم في كليتك أو الجامعة

    تدخل و تقولهم عايز اخد الأيميل الجامعي بتاعي .. هيدوك ابليكيشن تملاها .. وأحيانا بيكون مجاني أو بتدفع رسم رمزي .. و تيجي تاني يوم تاخد الأيميل بتاعك .. او في نفس اليوم لو مفيش ضغط و المسئولين غزالتهم رايقة


    الفرق بين ايميل yahoo - hotmail - google
    ان دا بيبقي شكله كدا
    [email protected]


    وبكده مبروك عليك ال 5000$

    الاســـم:	Microsoft-Office-Online.jpg
المشاهدات: 745
الحجـــم:	8.0 كيلوبايت

    *تقدر تحمل كل منتجات شركة مايكروسوفت .. من ويندوز وأوفيس (word - excel - power point ...) و خلافه
    المنتجات دي بيوصل عددها لاكتر من 150 منتج
    تقدر تحملهم من هنا
    http://goo.gl/22WyI2
    انسى هم اسطوانات الويندوز المضروبة اللي بتشتريها من ع الرصيف

    اضغط على الصورة لعرض أكبر

الاســـم:	stand_out_stand_above_certification_inline_420x250.jpg
المشاهدات:	819
الحجـــم:	39.8 كيلوبايت
الرقم:	2457

    *سيبك بقي من مايكروسوفت .. خلينا في auto desk اشهر من نار على علم طبعا .. و اكتر ناس هتبقي عرفاها المهندسين
    ايوة هي اللي بتقدم البرامج دي
    ( Maya - 3D Max - Inventor Professional - Autocad )
    عروض خاصة للطلاب من هنا

    http://goo.gl/fJW1IP

    اضغط على الصورة لعرض أكبر

الاســـم:	logo_jetbrains.gif
المشاهدات:	166
الحجـــم:	5.4 كيلوبايت
الرقم:	2458

    *سيبك بقي من microsoft و auto desk و خلينا في شركة JetBrains الشركة دي بقي هتفيدك جدا لو انت مبرمج .. و ما اكثر المبرمجين، الشركة دي بتقدم منتجات و ادوات بأكثر من 300$ لو انت مش معاك الأيميل الجامعي دا ..
    لكن تخيل انك لو عملته هتقدر تاخدها ببلاش
    http://goo.gl/KWUHnO

    اضغط على الصورة لعرض أكبر

الاســـم:	51pNZpRcjEL.jpg
المشاهدات:	1132
الحجـــم:	45.7 كيلوبايت
الرقم:	2459

    *تعالي بقي لشركة adobe .. تقدر تحصل على برامجها الأصلية من غير ما تقعد تحمل الكراك .. و ينتهي و تفضل تجدد فيه و الكلام دا
    و خصومات تصل الى 70%
    http://goo.gl/niDOpo


    *طب تعرف شركة Amazon.com ايوة هي بتاعة البيع و الشرا دي .. بتقدم خدمات مفيش حد فكر انه يعرف عنها حاجة ! و برده للطالب اللي معاه ايميل جامعي
    http://goo.gl/FeUCW8


    *طيب تعرف Prezi عملاق عمل ال presentations بشكل مبدع و جذاب بيلفتك من اول مرة
    و مننساش كلنا اننا اول مرة شوفنا برزنتيشن على بريزي انبهرنا بيها و جرينا سألنا هو البرنامج دا اسمه ايه تخيل ان اللي انبهرنا بيه دا كان على البرنامج التجريبي .. طب تخيل انك تقدر تمتلك البرنامج الأصلي من خلال الأيميل الجامعي من هنا
    http://goo.gl/rNYDdL


    -ايميل الجامعة معتمد علي مستوي الجامعات يعني ممكن تسجل على اي موقع جامعة وتقدر تتعلم اون لاين
    وكمان تقدر تقدم على اى منحة من عليه (google it )


    آه على فكرة كمان نسيت موقع research gate، دة موقع عامل زي linked in كدة بس للباحثين فقط ،، مش بيسمح لك تسجل فيه إلا بإيميل الجامعة ،، كله علم فقط .. الموقع بيتيح لك التواصل مع باحثين في جمييييييع التخصصات من جميع أنحاء العالم ،، وإنك تسأل أسئلة في أي مجال وهتلاقي اللي يرد عليك من أي مكان في العالم في نفس تخصصك..
    دة غير إن أكونتك عليه يعتبر كأنه C.V لك ،، وبياخد grade على حسب أبحاثك ونشاطك في وضع إجابات مفيدة لأسئلة غيرك
    http://goo.gl/856zCa
    التعديل الأخير تم بواسطة محمود حماد ; 09-05-2015 الساعة 01:06 PM

    «مُنتديَات الجَودة العَرَبيّة»
    ملتقى خبراء الجودة في الوطن العربي

المواضيع المتشابهه

  1. منتدى مجانا هدية لرواد منتديات الجودة
    بواسطة محمد غمرى محمد في المنتدى الممارسات المتميزة
    مشاركات: 1
    آخر مشاركة: 20-11-2016, 05:53 PM
  2. مصادر: منحة أمريكية لمصر بقيمة 55 مليون دولار لتحسين جودة التعليم
    بواسطة محمود حماد في المنتدى أخبار مؤسسات التعليم قبل الجامعي
    مشاركات: 0
    آخر مشاركة: 12-11-2014, 08:02 PM
  3. باقة فواصل هدية لرواد منتديات الجودة ( محمد غمرى )
    بواسطة محمد غمرى محمد في المنتدى المناسبات والاجتماعيات
    مشاركات: 677
    آخر مشاركة: 03-06-2012, 11:01 PM
  4. اليابان تمنح مصر أول قرض مُـيسر بقيمة 32 مليار
    بواسطة محمد عبد التواب محمد في المنتدى أخبار عامة
    مشاركات: 1
    آخر مشاركة: 20-03-2012, 11:09 AM
  5. هدية لأعضاء المنتدى الكرام
    بواسطة أبو رحمه في المنتدى الدعم الفني
    مشاركات: 7
    آخر مشاركة: 14-01-2011, 10:00 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
مُنتديَات الجَودة العَرَبيّة
أكاديمية الجودة تعود إليكم في شكل جديد وإسم جديد
منتديات الجودة العربية - www.arquality.com - ملتقى خبراء الجودة في الوطن العربي
إنضم إلينا