مفاهيم
شعر ياسر محمد حسن القاضي
والشمس الدايرة
ف قلب الكون
مربوطة بالكاف
يتبعها النون
وحصاد العمر المتبعتر
مسكون
وضباب الصبح
واقف بين الطرقات مأمور
وعيون الناس البصاصه
ملهاش اجفون
وحلم الناس العشمانه
مخنوق ف حقوق
والطبلة ترن
ولكن الرنة
ملهاش تعبير
دا الوتر الحساس مقطوع
والجرح النازف
من غير ميكروم
يا بهيم
ما اتفك القيد وتسير
اخلع نعل المفاهيم
امشي عريان
تصبح م السلاطين
أصل العايشين
مساكين
شايفين الخير
واقف متكتف
عند الناس المش عايزين
والفقر سايل وبيزحف
عند الناس
المحتاجين
خبرني يازمان إن كان لي
بين الأموات أمان
ولا هفضل ميت فى الدنيا
وفى الآخرة
ملقاش مكان
مواقع النشر (المفضلة)