صباح الخير يا مصر

[مرفت محمد فايد]

يا نيل يا أبو الأشواق صبح بموجة عيد

هات من غيطانك محبة

و اهدينا حلم جديد

يا نيل يا أبو السماحة صبح بموج هادي

و اهدي جميل الابتسام لاهلي و ولادي

يا نيل يا ابو الحنان

هات من نسيمك أمان

و اهدي لمصر المحبة

ورد و عبير و ريحان

[مرفت محمد فايد]

صباحك شهد رباني

يا جباني

و وخداني لحضن النيل

صباحك أحلي لحن جميل

و ح يقولوا و أنا بحبك

و هاتوا دليل

دليل القلب حبات العرق يا بلادي

و ضحكة تنور الضلمة فـ قلب الليل

[مرفت محمد فايد]

هلت بشاير الندى و أنا قلبي مستني

صبحك جميل يا ندى و الكل متهني

مين اللي يقدر يحوش صوت الهنا عني

نادى يا مصر المحبة

و اسألي عني

تلاقيني عند الصباح

واقف و مستني

[مرفت محمد فايد]

صباح الخير يا دنياتنا

يامالية الخير في قلتنا

و فارشة النور قصاد بيتنا

صباحك خير يا دورانا

و نور دارنا

و صبح جميل علي جيرانا

صباحك خير يا مصر الخير

بأحبك

و انت أصل الحب

بأحبك

انت كلك خير

[URL=http://9or.y4yy.com/][img]http://9or.y4yy.com/files/tzyeen-mwadee3/19.gif[/img

[مرفت محمد فايد]

صباح الخير علي عيونك

يا هبة النيل

يا جامعة في حبك الملايين

يا عشقاني و ضماني

و غارسه في قلبي

حب الغير

صباح الخير علي عيونك

يا هبة النيل

[مرفت محمد فايد]

حاسه بصباح له طعم جديد

حاسه بنهار أبيض و سعيد

ما هي مصر حرة

و كلنا إيد

تهتف ح تبقي يا وطني سعيد

حاسه بتاريخ ابيض مكتوب

بيقول قلبي في حبكم مبسوط بيدوب

لسه يا مصرنا

بكره ح ننسجه كلنا

بتاريخ عظيم

و أفكار تعمنر مصرنا

تحية صباحية لكل المراجعين

و كلنا أبناء مصر

و كلنا طارق جويد

و كلنا نحلم بالياسمين

[مرفت محمد فايد]

صبح يا ورد الجناين

و الفل في عيونا

النور منور مداين

في الصبح غنوا لنا

أحلي غناوي الحبايب

دا الهم راح منا

[مرفت محمد فايد]

صبح يا فل و ريحان

و نور و صحي الحبايب

و جمع الخلان

و قول صباح العسل

علي جودة الإنسان

و اللي يفرق ما بينا

يبعد يشوف له مكان

غير جنة الخلان

[مرفت محمد فايد]

صباح الخير صباح نادي

علي بلادي

و ع الورد اللي فتح في الجناين


و ع الصحبة و ع الخلان

و ع الدلتا و ع الصحرا و ع الوادي

و أحلي صباح علي بلادي

[مرفت محمد فايد]

صباح الفل يا بلادي

صباح هادي

صباح نادي

صباح مصري

سابق عصري

و باستني النشيد الجاي

معاه الضي

صباح الحب يا بلادي