صباح الخير يا مصر

[مرفت محمد فايد]

صباح الضمة و اللمة


صباح الشغل و الهمة


صباح الوحدةو الأمة

صباح الخير يا نيل صافي


و نشيد دافي

صباح الخير علي ولادك يا مصر النيل

[محمد غمرى محمد]

[الموافي الإمام]

شكرا جزيلا لك
وبارك الله فــيك

وزادك من علمة النافع

[مرفت محمد فايد]

صباح الخير على بلادي

صباح هادي

صباح نادي

صباح الورد و العنبر

صباح جميل

بريء أخضر

[مرفت محمد فايد]

صباحك خير يا وحشاني

و وخداني في حضنك

و السلام بيعم فوق أرضك

و نبضك خير

و كلك خير

يا مصر يا ست كل الخير

[مرفت محمد فايد]

صباح الشهد و السكر

صباح موال بيتمخطر

جميلة يا بلدي و عظيمة

و دايما في الهنا سابقة

و حبك هو الأبقى

[صلاح نافع]

صباح الخير
على الصانع
على العامل
على المخلص
على المبدع
على اللى طول الليل بيحمينا
وع الجبهة يقاتل من يعادينا
وع الأستاذ و ع اللى جوا الفصل بيشرب من إيده العلم

[الموافي الإمام]

صباح الخير
على الصانع
على العامل
على المخلص
على المبدع
على اللى طول الليل بيحمينا
وع الجبهة يقاتل من يعادينا
وع الأستاذ و ع اللى جوا الفصل بيشرب من إيده العلم

صباح الخير علي كل محب لبلدة
صباح الخير عليك أستاذ/ صلاح نافع
صباح الفل والياسمين علي كل صادق آمين
صباح الفل والياسمين علي رواد المنتدى الغاليين

[أشرف سويدان]

صباح الخير يا مصر
صبح مليان بالنور
صباح حرية وعدالة
صباح وفد مصري
يمثل مصر دنيانا
صباح شباب ثورة
ثائر على الظلم
ونادى يالا يااخواني
نعيد مجد أمنا مصر
دي مش بس أمنا
دا أم الدنيا والله

[مرفت محمد فايد]

صباح الجودة و البسمة


صباح اخضر بيتمشى لحد النيل


يمد ايديه و يروينا


و لو بردان يدفينا


ما هو صباحنا من مصري لمصر الخير