صباح الخير يا مصر

**مرفت محمد فايد** · 31-01-2012, 07:21 AM

صباحك شهد رباني

و وصلة حب عجباني

و صوت بينده يا سحراني

و اجاوب ايواه وحشاني

**مرفت محمد فايد** · 02-02-2012, 07:26 AM

ضمينا يا أمنا

و حنني قلبنا

خلينا مع بعضنا

دا احنا ولاد الشقا

و برضوا احنا الهنا

**أشرف سويدان** · 02-02-2012, 08:35 AM

صباح الخير يا مصر
صبح مليان بالنور
صباح حرية وعدالة
صباح وفد مصري
يمثل مصر دنيانا
صباح شباب ثورة
ثائر على الظلم
ونادى يالا يااخواني
نعيد مجد أمنا مصر
دي مش بس أمنا
دا أم الدنيا والله

**فاطمة محمود** · 02-02-2012, 12:40 PM

[CENTER]

صياح الخير يامصر
ياأم عطشان للامان
صباح الخير يامصر
ياأم دايما يتضم
وتقول ربى قال
دايما حانكون فى رباط
صباح الخير يامصر
دى احنا تحت جناحك
بنقول بأعلى صوتنا
مصر هى مصر
محروسة ياأم الدنيا

**مرفت محمد فايد** · 03-02-2012, 01:26 PM

مصر يا أامنا

مين جَرحِِك مننا

مين اللي فرق شبابك

مين اللي باعك يا غالية

من هم للهم نمشي

و فوقينا ليه السحابة

عشنا سنين في الضنا

عشنا حياتنا غلابة

كبروا و هجموا الديابه

و راحوا زهرة شبابك

**مرفت محمد فايد** · 06-02-2012, 07:32 AM

صباحك خير يا حرية

يا غالية و جوه ف عنيا

يا شايلة الهم عن قلبي

يا روحي و اغلى م الدنيا

**مرفت محمد فايد** · 12-02-2012, 08:44 AM

صباح الخير ع الشغال

و ع اللي بيسعى على رزقه

صباح جدعان صباح شجعان

بيعرق لجل تحلى العيشة لبلدنا

و تحلى لنا بلاد النيل

بلاد سمرا بلاد حلوة

بلادنا عروسة متحنية بعرقنا

و مروية بماء النيل