الحمار و الغرام
حماري ناصح و عمره فالح
حبيب ملاوع و قلبه أخضر
في كل حته له خمسة سته
نصاب أراري عامله منظر
و جارنا نايم حدا البهايم
حمارته حلوة و لونها أسمر
هرب حمارنا من صحن دارنا
دخل زريبة و الصوت يكركر
بدأ يغازل و حب نازل
نهيقه طالع و صوته زمر
حمارة عشقت عشانه سكتت
حبيبها رايح و قلبه فرفر
زعل أخينا و عتب علينا
إزاي حمارنا عليها دور
بكام جريدة و كام حديدة
تحتاج لفديو عشان يصور
دي علقة توجع ما شافها مطلع
ودانه دلت و رجله جرجر
و كام نصيحة يادي الفضيحة
و علقة سخنة خلاه يشفطر
أهديك هذة القصيدة من ديوانى : حماريات السعيد حافظ
طبعة 1994